Á tímabili í vetur voru saman á húsi minnsti og stærsti Hornfirðingurinn okkar, þær Hanný (á 4 vetur) og Hæra (á 5 vetur). (að ólöstuðum bróður Hæru, Kolvið (á 3 vetur) sem gæti reyndar verið orðinn hærri en Hæra)
Hanný var bara gerð rétt reiðfær, þar sem hún er svo smá ætlum við ekki að gera neitt meira með hana fyrr en næsta vetur. Hún sýnir mjög fallegar hreyfingar og háan fótaburð svo orðatiltækið "margur er knár þó hann sé smár" á örugglega eftir að eiga vel við hana. Hanný er undan Flosa frá Þúfu, Gustssyni frá Grund, og Bylgju frá Lambleiksstöðum, sem er einnig undan Gusti og systur hans undan sama hesti. 
Hæra er komin aðeins lengra í tamningu en hefur líka verið sleppt núna þar til næsta haust/vetur. Hún er mjög myndarleg og fer um á brokki, þó töltið sé örugglega ekki langt að sækja. Útlit er fyrir að ekki eigi eftir að skorta rými og kraft í Hæru, enda eins mikið Hornfirsk og þær geta orðið, með Nökkva gamla frá Hólmi 39 sinnum í ættartrénu og Ófeig frá Hvanneyri 5 sinnum.
Við hlökkum til að halda áfram með þessar tvær næsta vetur og sjá hvernig þær muni þróast :) 

haera hannyHæra til vinstri og Hanný til hægrihaera hanny1Hanný, Hanný og Hæra