Fyrir viku síðan var rosalega fallegt veður og skrapp ég í stuttan göngutúr með myndavélina.

saeboljanuar 1

Húni montinn með sig að venju ^^

saeboljanuar 2

Hugrún er nú sinn fyrsta vetur inni í þjálfun. Hún er á 5 vetur undan Hugni frá Haga og Glæringu. Skemmtileg alhliðahryssa.

saeboljanuar 3

Dekurdýrið Strákur frá Vatnsleysu í hólfinu sínu.

saeboljanuar 4

Næst lá leiðin til folaldanna, en við tökum þau heim á Sæból fyrsta veturinn svo þau geti verið sér í rúllu. Þau verða líka gerð taumvön og teknar upp lappir. Augað hér að ofan tilheyrir henni Spes.

saeboljanuar 5

Djörfung. Því miður með lokuð augun. Hún er dóttir Akks frá Vatnsleysu og móðir hennar er Gargandi Snilld sem er undan Musku og Kolskeggi frá Oddhóli.

saeboljanuar 6

Aftur hin Hornfirskt ættaða Djörfung.

saeboljanuar 7

Hryssa undan Flugsvinn frá Höskuldsstöðum og Akki frá Vatnsleysu. Hana vantar enn nafn.

saeboljanuar 8

Spes frá Hindisvík. Hún er hjálmskjótt og undan tveimur hjálmskjóttum foreldrum. Þeim Strák og Grímu.

saeboljanuar 9

Hérna var ég allt of nálægt og með of stóra linsu til að ná henni allri á myndina .. Ef allt gengur eftir eigum við von á alsystkini hennar næsta sumar.

saeboljanuar 10

Flugsvinnar og Akksdóttir

saeboljanuar 11

Tvær rauðar vinkonur; Djörfung og Flugsvinnardóttir.

saeboljanuar 12

Og aftur. Í bakgrunn er fína útsýnið þeirra yfir á Vestfirðina.

saeboljanuar 13

Það var svo skemmtileg birta til að taka myndir. Rauði liturinn kom sérstaklega skemmtilega út.

saeboljanuar 14

Flugsvinnardóttir

saeboljanuar 15

Sama fyrirsætan í nærmynd ^^

saeboljanuar 16

og enn eina ferðina. Finnst hún minna mikið á móður sína á þessari mynd.

saeboljanuar 17

Hér er hún enn og aftur. Stillti sér bara svo fallega upp :)

saeboljanuar 18

Lísa var minna að stilla sér upp fyrir mig. Hún er veturgömul en fær að vera annan vetur með folöldunum þar sem við viljum hjálpa henni eins og við getum að stækka. Hún var mjög lítið folald þar sem hún var bæði seint köstuð og móðir hennar aðeins 2 vetra (slysafang). Í vor eftir góða vetrarfóðrun var hún orðin meðalfolald að stærð og núna er hún aðeins undir meðallagi, en við höfum fulla trú á að hún verði dugleg að stækka í vetur eins og í fyrra :)

saeboljanuar 19

Spes frá Hindisvík, elst og stærst af folöldunum frá 2015

saeboljanuar 20

Folöldin í vetrarsólinni

saeboljanuar 21

Flugsvinnardóttir

saeboljanuar 22

Aftur

saeboljanuar 23

Hafrún, undan Akki og Glæringu

saeboljanuar 24

Hafrún. Hún er fimmta skjótta afkvæmið sem Glæring kemur með í röð, sem er nokkuð mikil heppni þar sem hún er ekki arfhrein skjótt og ekkert afkvæmanna er undan skjóttum hesti.

saeboljanuar 25

Hafrún frá Hindisvík. Þess má geta að albróðir hennar, Stakkur, kom á hús núna um helgina og stendur til að gera hann reiðfærann á næstunni.

saeboljanuar 26

Hafrún

saeboljanuar 27

Næst fór ég og heimsótti ungu stóðhestana. Hér má sjá þá í hólfinu sínu við sjóinn.

saeboljanuar 28

Í landi Sæbóls

saeboljanuar 29

Hinn hornfirski Ófeigur frá Dynjanda. Hann er undan Skugga og Gargandi-Snilld, sem eru bæði úr ræktun Hannýjar.

saeboljanuar 30

Janus Ari. Hjálmskjóttur stóðhestur á 4 vetur. Hann var gerður reiðfær í haust og reyndist vera mjög þægur og fór um á tölti og brokki. 

saeboljanuar 31

Janus Ari. Foreldar hans eru Strákur og Gríma sem eru bæði hjálmskjótt.

saeboljanuar 32

Félagarnir Hrannar og Gunnar B. Þeir eru báðir hálfir Hindisvíkingar. Gunnar B undan hreinræktaðri Hindisvíkurhryssu og Hrannar undan hreinræktuðum Hindisvíkurhesti, sem er MF Gunnars B.

saeboljanuar 33

Janus Ari. Hann á tvær alsystur. Þær Dáð 3 vetra í sumar og Spes sem verður veturgömul. Ef allt gengur eftir er von á fjórða alsystkininu í sumar.

saeboljanuar 34

Hrannar (á 2 vetur) og Gunnar B (á 3ja)

saeboljanuar 35

Janus Ari. Þarna sést vel hversu síður ennistoppurinn er.

saeboljanuar 36

Ófeigur. Hann er nefndur eftir einum af forfeðrum sínum, Ófeig frá Hvanneyri, en hann má finna 6 sinnum í ættartré hans.

saeboljanuar 37

..

saeboljanuar 38

Ófeigur

saeboljanuar 39

Ungir stóðhestar. 
Fremstan má sjá Gunnar B sem hefur mjög sérstætt ættartré fyrir hross sem er uppi á þessum tíma. Í honum mætast nefnilega tvær gamlar blóðlínur þar sem móðir hans er hreinræktaður Hindisvíkingur og faðir hans er hreinræktaður Hornfirðingur. Gunnar er því óskyldur flestum hrossum á Íslandi í dag auk þess að vera sambland úr tveimur gömlum blóðlínum. Við höfum hingað til ekki verið að blanda okkar línum saman, en ákváðum að prufa það einu sinni til að sjá hvað kæmi út. Við erum mjög spennt fyrir að sjá hvernig hann kemur út seinna meir. Þess má geta að hann er nefndur eftir Gunnari Bjarnasyni hrossaræktarráðunauti sem var mikill talsmaður línuræktunar á Íslandi.

saeboljanuar 40

Gunnar B

saeboljanuar 41

Hrannar frá Hindisvík. Ógeltur foli á annan vetur. Hann er einn af mjög fáum ógeltum hestum með svona mikið Hindisvíkurblóð, en faðir hans er síðasti hreinræktaði stóðhesturinn af stofninum.
Móðir Hrannars er ekki af Hindisvíkurættum. Hún er undan Geisla frá Sælukoti og Hrönn frá Höskuldsstöðum sem er 1 verðlauna hryssa með meðal annars 9 fyrir tölt og fegurð í reið.

saeboljanuar 42

Ófeigur

saeboljanuar 43

Litið í átt að æðarvarpinu

saeboljanuar 44

Folöld í sólinni

saeboljanuar 45

Alveg ótrúlegt með hana Miðju. Eins og hún er myndarlegt hross. Faxprúð og gleður alltaf augað, þá er alveg einstaklega erfitt að ná góðri mynd af henni og verð ég eiginlega að setja þessa inn til að gefa dæmi um típíska mynd af henni. Um leið og maður birtist með myndavél stillir hún sér svona upp. Lágreist, greiðslan í rugli og yfirleitt aulalegur svipur í kaupbæti. Okkur er svo sem alveg sama þar sem hún er ekki til sölu, en þetta getur stundum verið grátbroslegt.

saeboljanuar 46

Fimma frá Dynjanda. Hún er af Hornfirska stofninum undan Skugga okkar og Bylgju frá Lambleiksstöðum sem er undan Gusti frá Grund. 
Fimma er því sammæðra Hanný frá Þúfu og Þrándi frá Brunnum.

saeboljanuar 47

Og að lokum útsýnið frá íbúðarhúsinu :)