Gunnar B er nú nokkra daga á húsi í fortamningu og ákváðum við að skella honum í smá myndatöku. 
Gunnar er fæddur árið 2013 og kemst því á tamningaraldur í haust. Hann er með mjög sérstakt ættartré og þá sérstaklega fyrir hross sem er uppi nú til dags, þar sem í honum mætast tvær gamlar og arfsterkar blóðlínur. Móðir hans er hreinræktaður Hindisvíkingur aftur til ársins 1880 og faðir hans (Skuggi) er Hornfirðingur. Gunnar er því óskyldur flestum hrossum á Íslandi í dag auk þess að vera sambland úr tveimur gömlum blóðlínum. 
Það stendur ekki til að blanda þessum línum okkar saman, en við ákváðum að prufa það einu sinni til að sjá hvað kæmi út úr því. Það verður áhugavert að sjá hvernig Gunnar B á eftir að þróast með frekari tamningu.

Þess má geta að hann er nefndur eftir Gunnari Bjarnasyni hrossaræktarráðunauti sem var mikill talsmaður línuræktunar á Íslandi.

Gunnar sýnir mikið rými með óvenjulega mikla afturfótaspyrnu. Hann er ójárnaður á myndbandinu.
Gunnar B er alhliðahestur.

gunnarbje1

gunnarbje2gunnarbje3gunnarbje4gunnarbje5

gunnarbje6gunnarbje7gunnarbje8gunnarbje9gunnarbje10gunnarbje11gunnarbje12gunnarbje13gunnarbje14gunnarbje15gunnarbje16Alvöru afturfótaskref