Nú er loksins runninn upp tíminn sem við erum búin að vera að bíða eftir með mikilli eftirvæntingu og tilhlökkun! 
Fyrstu tvö folöldin eru búin að líta dagsins ljós og virðis sem hryssulánið okkar hafi tekið sér pásu, en á síðastliðnum þremur árum höfum við aðeins fengið eitt hestfolald. 

fonix fonix1

Fönix fyrsta daginn 

Fyrstur fæddist hann Fönix frá Flugumýri, jarphjálmskjóttur. Við vorum svo heppin að fá móður hans, Venus frá Fjalli, lánaða til að fá undan henni og Strák eitt folald. Þess má geta að Venus er einnig móðir Glennu okkar. Önnur ástæða fyrir að okkur fannst mjög spennandi að halda Venus undir Strák er að afkvæmið yrði mjög svipuð blanda og hún Miðja, sem við erum rosalega ánægð með.
Miðja er undan Strák frá Vatnsleysu og Villimey (F: Orion frá Litla-Bergi) og Fönix er undan Strák og Venus (F: Orion frá Litla-Bergi)

fonix2

Fönix orðinn nokkurra daga og búin að teygja betur úr sér


Næst kastaði Gríma rauðhjálmskjóttu hestfolaldi undan Strák. Hann hefur hlotið nafnið Helmingur frá Hindisvík. Hann er fimmta alsystkinið í röð undan Grímu og Strák, sem gefur vísbendingu um hversu ánægð við erum með þá blöndu. 

helmingur

Helmingur frá Hindisvík


Þriðji hjálmskjótti folinn Þeyr frá Þverá II. Þeyr er tveggja vetra rauðhjálmskjóttur foli sem kom til okkar í vor og okkur líst mjög vel á. Hann sýnir mikið tölt og fallegar hreyfingar. Auk þess er hann bæði stór, myndarlegur, faxprúður, geðgóður og fljótur að læra. Þeyr er undan Draum frá Valhöll sem er sonur Kvists frá Skagaströnd og Yrsu frá Ármóti (F: Hlynur frá Kjarnholtum I). Móðir Þeys er Jökla frá Fjalli. Faðir Jöklu er Hörgull frá Steðja, sem er einn af fáum hjálmskjóttum stóðhestum sem hafa hlotið fyrstu verðlaun.
 
Eftirfarandi myndir voru teknar af Þeyr í fyrra þegar hann var veturgamall. Ljósmyndari er Elín Sigurðardóttir

 

skrauti2 skrauti3 skrauti1
skrauti4 skrauti5