Tenging okkar við Hindisvíkurstofninn er mjög sterk þar sem Tobbi á ættir sínar að rekja til Hindisvíkur.
Það var afabróðir hans, séra Sigurður Norland, sem hélt áfram ræktun á stofninum sem hófst um 1873. Eftir fráfall séra Sigurðar (1971) tóku faðir Tobba, Agnar Norland og bróðir hans, Sverrir Norland, við hrossunum og síðar voru það Tobbi og Agnar sem héldu áfram skipulagðri stofnrækt í Hindisvík þangað til 1995, og voru með allt að 40 hryssur í hreinræktuninni. 
Eftir snjóveturinn 95 var erfitt að fjarstýra ræktuninni frá Reykjavík og var því stærstur hluti stofnsins seldur út til Þýskalands þar sem náðist frábær árangur með framræktun þeirra (um það má meðal annars lesa með því að smella hér).
Nokkrum hryssum var þó haldið eftir og ræktuninni haldið áfram í smáum stíl.
Við erum nú að vinna að því að viðhalda þessum merka stofni. 

Hér að neðan má sjá upptalningu á núlifandi ræktunargripum og ungviði sem gæti komið inn seinna.


Stóðhestar:

 

glaesirGlæsir 19 vetra gamall í hryssum í Hindisvík.

 

Glæsir frá Hindisvík - er ekki í okkar eigu, en hefur stórt hlutverk í því að viðhalda stofninum þar sem hann er síðasti hreinræktaði stóðhesturinn af gamla Hindisvíkurkyninu.
Glæsir er arfsterkur á ættareinkenni stofnsins og þá sérstaklega á hástíga og hreyfingamikla Hindisvíkurbrokkið. Í hans ættartré kemur Glóblesi gamli nokkrum sinnum fyrir og einnig er Hlöðvir FF hans.


Ungir og ógeltir:

17 folold kleo

Glóblesi frá Hindisvík er rauðtvístjörnótt hestfolald fætt sumarið 2017. Hann er undan Glæsir frá Hindisvík og Kleópötru frá Kirkjubæ. Þessi blanda (Hindisvík x Kirkjubær) kom mjög vel út hér áður fyrr þegar Glóblesi 700 var notaður í Kirkjubæ. Þaðan komu margir þekktir gæðingar eins og t.d. Seifur, Sóti og Strákur, en þessir þrír hestar komust allir í úrslit á Evrópumótum.
Kleópatra er undan Rauðhettu frá Kirkubæ (9,23 fyrir hæfileika), sem er undan Brönu, Glóblesadóttur. Þaðan kemur líka tenging tilbaka í gamla stofninn.


-- frá Hindisvík - er albróðir Glóblesa (að ofan), undan Glæsi og Kleópötru. Fæddur sumarið 2018.

kleo18 2



 Hryssur:

Frá frá Hindisvík - er hreinræktuð í móðurættina og undan Platon frá Sauðárkróki. Hún er öskuviljug klárhryssa sem hefur verið í folaldseign síðustu ár. 

fra2Frá með víkina í Hindisvík í bakgrunni. Fríður og fíngerður haus hefur lengi verið eitt af aðalsmerkjum Hindisvíkurstofnsins.



Hetja frá Mið-Kárastöðum - Hetja er eitt mest hreinræktaða og skyldleikaræktaða núlifandi Hindisvíkurhrossið, en hún er hreinræktuð aftur til 1880 og ekki eitt einasta aðkomuhross í hennar ættartré. Hún er undan Glæsi frá Hindisvík og Hrund, sem er undan Hlöðvi frá Hindisvík.
Til að taka dæmi um skyldleikaræktunina (sjá mynd neðar) sem Hetja kemur af má nefna að Glæsir er undan Hirti sem er einnig undan Hlöðvi (eins og Móðir Hetju). Móðir Hlöðvis, Ör, er alsystir móður Hjartar (Fjöður frá Hindisvík) (og Hlöðvir er faðir Hjartar).

Svo eru MM og FM Hetju einnig alsystur.
Glóblesi gamli kemur alls 5 sinnum fyrir í ættartré Hetju.

hetja aettartreMynd til útskýringar á skyldleikaræktinni sem Hetja kemur af. Sömu litir standa fyrir alsystkin eða sama hestinn.


Þess má geta að þó að Hetja sé svona mikið skyldleikaræktuð ber hún engin einkenni úrkynjunnar. Hún er stór, geðgóð og mjög fríð.
Hetja er hágeng klárhryssa sem er nú komin í folaldseign.

hetja23 hetja17 18 hetja17 15

Hetja



Fjöður frá Hindisvík - er undan Glæsi og Frá frá Hindisvík. Hún er 75% hreinræktuð af gamla stofninum og fædd árið 2014. Fjöður ber sterklega ættareinkenni stofnsins, þ.e.a.s. eftirtektarverða Hindisvíkurbrokkið, ásamt fríðri og fínlegri byggingu.
fjodurFjöður frá Hindisvík
hindisvikur-fjodur
Fjöður frá Hindisvík


 Yngri-Rauðka frá Hindisvík - er hreinræktaður Hindisvíkingur aftur til ársins 1880.
Hún er undan Hirti Hlöðvissyni og Hlöðvisdóttur.
Yngri-Rauðka er fædd árið 2014.

f17 raudka2 

Nös frá Ásbjarnarstöðum - er fædd árið 2015.
Hún er hreinræktuð af gamla Hindisvíkurstofninum, undan Glæsir frá Hindisvík og með Hlöðvir sem FFF og MFF.

nos1Nös veturgömul 2016


 Gló frá Ásbjarnarstöðum - fædd 2017
Er nánast hreinræktuð frá Hindisvík. Faðir hennar er Glæsir frá Hindisvík og móðir hennar er undan alsystur Glæsirs.

glo1

-- frá Hindisvík - fædd 2018. 
Er undan Aðli frá Nýjabæ (ekki af Hindisvíkurættum) og Hetju frá Mið-Kárastöðum (hreinræktuð). Þetta gerir hana 50% Hindisvíkurættaða.