Hjálmskjótta ræktunin okkar er mjög smá í sniðum og leggjum við sérstaklega áherslu á hæfileika hrossanna. Hér að neðan má lesa um hvernig þetta hófst hjá okkur, hvaða gripir hafa fæðst og hver staðan er í dag.
Þeir sem vita ekki hvað hjálmskjótt er geta fræðst um það hér.


 Upphafið

Ekki er hægt að skrifa texta um okkar hjálmskjóttu ræktun nema að byrja á því að minnast á Ómar Runólfsson en við vorum svo heppin að hann lét til leiðast að láta okkur hafa fyrsta hjálmskjótta hrossið okkar, þegar Hanný vantaði fermingargjöf fyrir Heiðu. Var það hinn bleikhjálmskjótti Tengill frá Laugabóli. Fleiri hross frá Ómari fylgdu í kjölfarið og hefur það samstarf reynst okkur gríðarlega vel.

okkarhjalmskjott tengillTengill frá Laugabóli 2


Næst í hópinn kom Birta frá Smyrlabjörgum, en hún kom upprunalega til okkar í frumtamningu og við vorum svo heilluð af henni að Heiða keypti hana. Birta er bleikskjótt, hringeygð (og kom reyndar seinna í ljós að hún er arfhrein á skjótta litinn), en hún ber í sér hjálmskjótt gen sem hún fékk frá móður sinni Díönu, sem er undan Þokka frá Bjarnanesi (albróðir Snældu frá Bjarnanesi sem er m.a. móðir Klerks frá Bjarnanesi og fleiri. Þokki sjálfur hlaut á sínum tíma 8,28 í aðaleinkun, þar af 8,46 fyrir hæfileika sem klárhestur með 9,5 fyrir tölt og brokk og 9 fyrir stökk og fegurð í reið), en Þokki var einnig genberi.

okkarhjalmskjott birtaBirta frá Smyrlabjörgum


Birtu var síðan haldið undir Tengil og ári síðar fæddist fyrsta hjálmskjótta folaldið úr okkar ræktun, hann Álfur frá Dynjanda. Þar sem Álfur var bæði hjálmskjóttur og venjulega skjóttur var hann mjög mikið hvítur og aðeins einn rauður blettur í taglinu á honum.

okkarhjalmskjott alfurÁlfur frá Dynjanda

Gríma, ein af okkar aðal hjálmskjóttu ræktunarhryssum kom til okkar sem folald með Tengli, en þau eru undan sama hesti. Hún átti að vera hjá okkur í uppeldi og frumtamningu en fór svo að við eignuðumst hana fyrst að helmingi til og síðar alla. Gríma var mjög auðtamin, með áberandi fótaburð og allan gang.

okkarhjalmskjott grimaGríma frá Laugabóli 2


Frá Ómari kom einnig hann Skrámur frá Hurðarbaki, jarphjálmskjóttur geldingur á besta aldri. Skrámur reyndist vera með betri hestum og kepptum við talsvert á honum með mjög góðum árangri. Hann vakti mikla athygli og seldist að lokum til Sviss, þar sem hann hefur líka verið farsæll á keppnisbrautinni. Við áttum undan honum hryssuna Skrámu, sem eignaðist nokkur afkvæmi með Strák frá Vatnsleysu áður en hún var seld.

okkarhjalmskjott skramurSkrámur frá Hurðarbaki


Strákur frá Vatnsleysu hefur haft gríðarlega mikil áhrif á okkar hjálmskjóttu hrossarækt, en við vorum svo heppin að geta fest kaup á honum þegar hann var 3 vetra. Hann er í mjög miklu uppáhaldi á heimilinu, enda algjör snillingur að svo mörgu leyti. Við eigum sem betur fer orðið töluvert undan honum og vildum helst eiga meira. Eftir að Strákur kom til sögunnar jukust umsvif hjálmskjóttu ræktunarinnar talsvert. 

okkarhjalmskjott strakurStrákur frá Vatnsleysu


Staðan í dag:

Þeir gripir sem eru til hjá okkur í dag eru: 
Smellið á nöfnin fyrir frekari upplýsingar, þessi hross hafa líka verið nefnd hér fyrir ofan eða koma neðar í greininni.

Stóðhestar og ógeltir folar:

Hryssur:

Unghross:


Ungir og ógeltir:

Fönix frá Flugumýri er jarphjálmskjóttur hestur fæddur sumarið 2017. 
Faðir hans er Strákur frá Vatnsleysu og móðir er Venus frá Fjalli (MF: Orion frá Litla-Bergi). Fönix er sammæðra Glennu

fonix2 i  

Hryssur

Grímu frá Laugabóli 2 var búið að minnast á hér fyrir ofan. Hún hefur verið í folaldseign hjá okkur til margra ára og reynst mjög vel. Yndislegt hross í alla staði. 

grima7

Glenna frá Flugumýri, er bleikhjálmskjótt hryssa sem bættist í hópinn okkar veturinn 2016. Þá á sjöunda vetur og lítið tamin. Við tömdum hana áfram í nokkrar vikur og settum hana svo beint í folaldseign um sumarið.
Örviljug og skemmtileg alhliðahryssa með frábært tölt.

okkarhjalmskjott glennaGlenna frá Flugumýri


Miðja er úr fyrsta árganginum okkar undan Strák (fædd 2012). Við fengum móður hennar (Villimey frá Eyrarbakka) lánaða og héldum henni undir Strák. Við töldum líklegt að hún væri með hjálmskjótta genið, vegna þess að hún var brúntvístjörnótt og undan Orion frá Litla-Bergi (þekktur genberi). Það var því mikil ánægja að sjá að við hefðum haft rétt fyrir okkur þegar Miðja fannst nýfædd úti á túni í Dynjanda. Miðja hefur verið mikill gleðigjafi alla tíð. Hún var auðtamin með allan gang opinn strax. Skemmtileg. mjúk og ljúf alhliðahryssa með háan fótaburð, sem er nú komin í ræktun.

midja midja38 midja41

Auðbjörg frá Vatnsleysu er úr síðasta árganginum undan Glampa frá Vatnsleysu og hefur erft hjálmskjótta genið frá honum. Hún er sammæðra bæði Alvör og Öddu og er alsystir Abels frá Vatnsleysu sem hlaut m.a. 9 fyrir tölt, stökk, vilja og geðslag og 8,5 fyrir brokk og fegurð í reið. Auðbjörg hefur í sér töluvert Hornfirskt blóð.

audbjorg8 audbjorg1

Flauta frá Vatnsleysu er fædd 2012 og undan Sindra frá Vatnsleysu Glampasyni og hefur erft hjálmskjótta genið frá honum. Hún er myndarleg, örviljug og skrefstór alhliðahryssa sem er af gamla stofninum á Vatnsleysu og hefur talsvert af Hornfirsku blóði á bak við sig.

flauta3 Flauta

Dáð er brúnhjálmskjótt hryssa í eigu Heiðu. Hún er fædd 2013 undan Strák og Grímu. 
Dáð er dugleg alhliðahryssa með mikinn fótaburð.

dad9 drottning

Stelpa er dökkrauðblesótt hryssa með hjálmskjótta genið. Hún er fædd 2014 og er undan Strák og Skrámu.
Auðtamin en viljug alhliðahryssa.

stelpa11 stelpa stelpa10

 


Unghross í uppvexti

Þrenna frá Hindisvík er jarphjálmskjótt hryssa, fædd 2017. Foreldrar hennar eru Strákur og Glenna
Glenna sýnir mjög lofandi ganglag og hreyfingar.

threnna threnna5

 Bliki frá Ytri-Hofdölum - Fæddur 2017.

Blika keyptum við sem folald.
Hann er brúnhjálmskjóttur geldingur undan Sindra frá Vatnsleysu og Móblesu frá Ytri-Hofdölum (F: Ísak frá Kirkjubæ).

bliki2Bliki frá Ytri-Hofdölum bliki12Bliki frá Ytri-Hofdölum bliki13Bliki frá Ytri-Hofdölum

Leiftur er brúnblesóttur, leistóttur geldingur, fæddur 2017. Faðir hans er Lexus frá Vatnsleysu og móðir Miðja.
Hann er faxprúður, myndarlegur og sýnir fallegar hreyfingar.

leiftur2 leiftur8 leiftur10

 Hrólfur er brúnstjörnóttur leistóttur geldingur, fæddur 2017. Hann er líka undan Lexus og móðir hans er Dáð.
Hrólfur fer mikið um á mjúku tölti.

hrolfur hrolfur2

 Ónefnt rauðhjálmskjótt hestfolald undan Strák og Grímu. Fæddur 2019.

grimuson grimuson1 grimuson2

 Ónefnt bleikhjálmskjótt hestfolald undan Strák og Glennu. Fæddur 2019.

glennuson1 glennuson


 

Væntanlegt næsta sumar:

Næsta sumar (2020) eigum við von á tveimur hjálmskjóttum afkvæmum

2017 grimaGríma var hjá Strák og er öruggt að afkvæmið verður hjálmskjótt

2017 glenna

Glenna var líka hjá Strák og er einnig von á hjálmskjóttu afkvæmi undan þeim

 


Fleiri hjálmskjótt hross og genberar sem við höfum átt í gegn um tíðina

Smellið á myndirnar til að stækka þær og lesa umsögn

okkarhjalmskjott skrama okkarhjalmskjott janusari
okkarhjalmskjott buska okkarhjalmskjott toppur
spes grima kostud1 skrauti2 helmingur
okkarhjalmskjott skima glanni 2018 grima 2
dalia33 dalia